सुनको मूल्यमा सामान्य गिरावट, कतिमा हुँदैछ कारोबार ?

लगानी खबर, काठमाडौं – नेपाली बजारमा आज (बुधबार) सुनकाे मूल्यले ओरालाे यात्रा तय गरेकाे छ । सुनकाे मूल्यमा सामान्य गिरावट देखिएकाे छ ।

बुधबार सुनकाे मूल्य तोलामा एक सय रुपैयाँले घटेर प्रतिताेला ९५ हजार एक सय रुपैयाँमा काराेबार भइरहेकाे नेपाल सुनचाँदी व्यवसायी महासंघले जनाएको छ । यस्तै, बुधबार तेजावी सुनको मूल्य पनि ताेलाकाे एक सय रुपैयाँले नै घटेर प्रतितोला ९४ हजार ६ सय रुपैयाँ कायम भएको छ । 

त्यसैगरी, आज चाँदीकाे मूल्य भने बढेकाे छ । बुधबार चाँदी ताेलामा १० रूपैयाँले बढेर प्रतिताेला एक हजार २ सय ३० रूपैयाँमा काराेबार भइरहेकाे महासंघले बताएकाे छ ।