स्पेशल प्रि ओपनिङ्गमा कतिमा भयो सानिमा जनरल इन्स्योरेन्सको कारोबार?

लगानी खबर, काठमाडौं –  धितोपत्र दोस्रो बजार नेपाल स्टक एक्सचेन्ज (नेप्से) मा आज (बुधबार) सानिमा जनरल इन्स्योरेन्स कम्पनी लिमिटेडकाे पहिलो कारोबार भएको छ ।

स्पेशल प्रि ओपनिङ्ग सेसनमा कम्पनीकाे काराेबार प्रति कित्ता ३११ रुपैयाँमा भएकाे छ । कम्पनीकाे २० कित्ता शेयर प्रति कित्ता ३ सय ११ रूपैयाँमा भएकाे हाे ।  नेप्सेले कम्पनीकाे पहिलो कारोबारका लागि न्युनतम १०३ रुपैयाँ ७३ पैसादेखि अधिकतम ३११ रुपैयाँ १९ पैसासम्मको कारोबार रेञ्ज प्रदान गरेको थियाे ।

हिजाे मंगलबार कम्पनीकाे १ करोड कित्ता साधारण शेयर (आइपिओ) धिताेपत्र सूचीकरण विनियमावली, २०७५ बमाेजिम नेप्सेमा काराेबार हुन सक्ने गरी सूचीकृत भएको थियाे ।

कम्पनीकाे आइपिओलाई शेयर काराेबार गर्नका एसजिआइ (SGI) संकेत प्रदान गरिएको छ ।