शिवम सिमेन्टको लाभांश सुरक्षित गर्ने आज अन्तिम मौका !!

लगानी खबर, काठमाडौँ - शिवम सिमेन्ट लिमिटेडकाे लाभांश सुरक्षित गर्ने आज (कार्तिक १२ गते, बुधबार) अन्तिम दिन रहेकाे छ ।

कम्पनीले साधारण सभा गर्ने प्रयाेजनका लागि भाेलि (कार्तिक १३ गते, बिहीबार) एक दिनका लागि बुक क्लोज गर्ने निर्णय गरेको छ । त्यसैले, आज (कार्तिक १२ गते, बुधबार) सम्म नेप्सेमा कारोबार भई कायम शेयरधनीहरुले मात्र साधारण सभामा भाग लिन तथा लाभांश प्राप्त गर्न सक्नेछन् ।

कम्पनीकाे असाेज २८ गते, बुधबार बसेकाे सञ्चालक समितिकाे बैठकले गरेकाे निर्णय अनुसार कम्पनीकाे पाचाैँ वार्षिक साधारण सभा कार्तिक २४ गते साेमबार, भर्चुअल माध्यमबाट कम्पनीकाे कर्पाेरेट कार्यालय, अनामनगरकाे सभाहल, काठमाडाैँमा बिहान ११ बजेबाट सुरू हुनेछ ।

यसैगरी, सभाले कम्पनीकाे असाेज २८ गते, बुधबार बसेकाे सञ्चालक समितिकाे बैठकले गरेकाे निर्णय अनुसार  आर्थिक वर्ष २०७६/०७७ काे मुनाफाबाट कम्पनीका शेयरधनीहरूलाई २४.२१ प्रतिशतले हुन आउने १ अर्ब ६ करोड ५२ लाख ४० हजार रुपैयाँ बराबरको नगद लाभांश वितरण गर्ने प्रस्ताव पारित गर्नेछ ।

त्यसैगरी, सभामा कम्पनीकाे सञ्चालक समितिकाे तर्फबाट अध्यक्षद्वारा आर्थिक वर्ष २०७६/७७ को वार्षिक प्रतिवेदन, आर्थिक वर्ष २०७६/७७ काे लेखापरीक्षण प्रतिवेदन,आर्थिक वर्ष २०७७/७८ को लागि लेखापरीक्षक नियुक्ती गरी पारिश्रमिक ताेक्ने लगायतका एजेन्डाहरू छलफल गरी पारित गरीनेछ ।