बढ्यो सुनचाँदीकै भाउ, कतिमा हुँदैछ काराेबार ?

लगानी खबर, काठमाडौं – नेपाली बजारमा लगातार २ दिन स्थिर रहेकाे सुन र चाँदी दुवैकाे मूल्यले आज (बुधबार) भने उकालाे यात्रा तय गरेका छन् ।

बुधबार सुनकाे मूल्य  ताेलामा ८ सय रूपैयाँले बढेर  प्रतितोला ९५ हजार ५ सय रूपैयाँमा काराेबार भइरहेकाे नेपाल सुनचाँदी व्यवसायी महासंघले जनाएको छ । यस्तै, बुधबार तेजावी सुनको मूल्य पनि ताेलाकाे ८ सय रूपैयाँले नै बढेर प्रतिताेला ९५ हजार रुपैयाँ पुगेको छ । 

त्यसैगरी, बुधबार चाँदीकाे मूल्य पनि ताेलाकाे ४० रुपैयाँले बढेर प्रतिताेला एक हजार २ सय ४० रूपैयाँ कायम रहेको महासंघले बताएकाे छ ।