दोहोरो अंकले बढ्यो शेयर बजार : अपि पावरको सर्वाधिक कारोबार !

लगानी खबर, काठमाडौँ -  आज (साेमबार) शेयर बजारले उकालाे यात्रा तय गरेकाे छ । साेमबार शेयर बजार दाहाेराे अंकले बढेकाे छ ।

नेपाल स्टक एक्सचेञ्जका अनुसार साेमबार शेयर कारोबार मापक नेप्से परिसूचक १३.५८ अंकले बढेर एक हजार ५७०.३८ मा पुगेकाे छ । नेप्से ०.८७ प्रतिशतले बढेकाे हो । यस्तै सेन्सेटिभ परिसूचक २.६२ अंकले बढेर ३१०.८९ मा पुगेको छ ।

कूल १८९ वटा कम्पनीकाे ३२ लाख ६७ हजार ८ सय ६७ कित्ता शेयर खरिदबिक्री हुँदा ९५ करोड ४६ लाख ५६ हजार १ सय ७ रुपैयाँको कारोबार भएकाे छ ।

स्टकका अनुसार कारोबार भएका कूल १२ उपसमूह मध्ये आज ११ वटा उपसमूहको शेयर बढेकाे छ भने बाँकी एउटा उपसमूहकाे शेयर मात्र घटेकाे छ ।

त्यसैगरी, साेमबार काराेबार रकमकाे आधारमा अपि पावर कम्पनी लिमिटेडले अग्रता कायम गर्न सफल भएकाे छ । कम्पनीकाे ४ कराेड २ लाख ५३ हजार ८ सय ९१ रूपैयाँ बराबरकाे काराेबार भएकाे छ ।

 हेराैं आजकाे शेयर तालिका :