दशैंमा घुम्दै हुनुहुन्छ ? एक्सलट्रीपले दिँदैछ क्यास ब्याक र ७ जनालाई ट्राभल प्याकेज उपहार !

लगानी खबर, काठमाडौँ - एक्सलट्रिप नेपालले हरेक ग्राहकलाई ३ सय रुपैयाँ क्यास ब्याक दिने भएका छन् । दशैतिहारको उपलक्ष्यमा एक्सलट्रिपद्वारा होटल, फ्लाइट टिकटसँगै होलिडे प्याकेज बुकिङ गर्दा ३०० रुपैयाँ निशुल्क क्यास ब्याक दिने योजना ल्याएको छ ।

बुकिङबाट पाउने ३ सय रुपैयाँ संसारभरिका जुनसुकै होटल तथा प्लेन बुकिङमा प्रयोग गर्न सकिने छ । असोज २२ गतेदेखि मंसिर ५ गते सम्म लागु हुने यो योेजनामा एक्सलट्रिप नेपालको तर्फबाट हरेक साता १ जनाले २५०० रुपैयाँसम्मको होटल भौचर पाउनेछन् ।

बम्पर उपहारअन्तर्गत एक जना भाग्यशाली बिजेतालाई दुई रात तीन दिनको काठमाडौं–पोखरा–काठमाडौंको कप्पल प्याकेज दिइने एक्सलट्रिपका डेपुटी कन्ट्री डाइरेक्टर शरद प्रधानले बताए ।

नेपाल पर्यटन बोर्डसंगको सहकार्यमा एक्सलट्रिपले  नेपालको पर्यटन प्रर्वधन हाम्रो दायित्व मुल नाराका साथ प्रोमोटिङ नेपाल र प्रोमोटिङ डोमेस्टिक टुरिज्म नेपाल अभियान नै सञ्चालन गरेको छ।

त्यस्तै, एक्सलट्रिपले नेपालको पर्यटनलाई प्रवद्र्धनलाई अन्तराष्ट्रियकरण गर्दै विश्वभर नेपालको पर्यटन प्रबद्र्धन गर्ने पनि लक्ष्य लिएको छ। यसका लागि सम्बन्धित निकायसंग पनि छलफल सुरु गरिसकेकोे एक्सलट्रिपका डेपुटी कन्ट्री डाइरेक्टर प्रधानले बताए ।