नेपाल ल्युब ओइलको लाभांश सुरक्षित गर्ने आज अन्तिम मौका !

लगानी खबर, काठमाडौँ - नेपाल ल्युब ओइल लिमिटेडकाे लाभांश सुरक्षित गर्ने आज (असाेज २१ गते, बुधबार) अन्तिम दिन रहेकाे छ ।

कम्पनीले साधारण सभा प्रयाेजनका निमित्त असाेज २२ गतेबाट कार्तिक ५ गतेसम्म बुक क्लाेज गर्नेछ । त्यसैले, आज (असाेज २१ गते, बुधबार) सम्म नेप्सेमा काराेबार भई कायम शेयरधनीहरूले मात्र सभामा भाग लिन तथा लाभांश प्राप्त गर्न सक्नेछन् ।

कम्पनीको असाेज १३ गते, मंगलबार बसेको सञ्चालक समितिको बैठकले १० प्रतिशत नगद लाभांश वितरण गर्ने प्रस्ताव गरेको छ । उक्त लाभांश कम्पनीकाे आगामी वार्षिक साधारण सभाले पारित गरेपश्चात वितरण गरिनेछ । 

त्यस्तै, कम्पनीले उन्नतिसाैँ वार्षिक साधारण सभा पनि आह्वान गरेकाे छ । उक्त सभा कार्तिक ५ गते बुधबार, संस्थाकाे कार्यालय, झम्सिखेलबाट जुममार्फत सञ्चालन गरिनेछ ।