बढ्यो सुनकाे भाउ, कतिमा हुँदैछ काराेबार ?

लगानी खबर, काठमाडौं – नेपाली बजारमा साताकाे पहिलाे दिन आज (आइतबार) सुनकाे मूल्यले उकालाे यात्रा तय गरेकाे छ ।

आइतबार सुनकाे मूल्य  ताेलामा २ सय रूपैयाँले बढेर  प्रतितोला ९४ हजार ५ सय रूपैयाँमा काराेबार भइरहेकाे नेपाल सुनचाँदी व्यवसायी महासंघले जनाएको छ । यस्तै, आइतबार तेजावी सुनको मूल्य पनि ताेलाकाे २ सय रूपैयाँले बढेर  प्रतितोला ९४ हजार रुपैयाँ कायम भएको छ । 

त्यसैगरी, आइतबार चाँदीकाे मूल्य पनि ताेलाकाे ५ रूपैयाँले बढेर प्रतिताेला १ हजार १ सय ८० रूपैयाँ कायम रहेको महासंघले बताएकाे छ ।