एनएमबि क्यापिटलको दुवै म्युचुअल फण्डकाे लाभांश सुरक्षित गर्ने आज अन्तिम मौका !

लगानी खबर, काठमाडौँ - एनएमबि हाईब्रिड फण्ड एल १ र  एनएमबि ५० काे लाभांश सुरक्षित गर्ने आज (असाेज १५ गते, बिहीबार) अन्तिम दिन रहेकाे छ ।

दुवै फण्डले नगद लाभांश वितरण गर्ने प्रयाेजनका लागि भाेलि असाेज १६ गते एक दिनका लागि इकाईधनी दर्ता किताब बन्द गर्ने निर्णय गरेका छन् ।  त्यसैले, आज असोज १५ गतेसम्म नेप्सेमा काराेबार भइ कायम भएका  इकाईधनीहरूले मात्र प्रतिफल प्राप्त गर्नेछन् ।

एनएमबि क्यापिटल लिमिटेडकाे भाद्र ४ गते, आइतबार बसेकाे सञ्चालक समितिकाे बैठकले आर्थिक वर्ष २०७६/०७७ का लागि एनएमबि म्युचुअल फण्ड अन्तर्गत सञ्चालित एनएमबि हाईब्रिड फण्ड एल १ का इकाईधनीहरूलाई कर सहित ८ प्रतिशतका दरले र एनएमबि ५० का इकाईधनीहरूलाई कर सहित ५ प्रतिशतका दरले याेजनाकाे प्रतिफल वितरण गर्ने घाेषणा गरिएकाे छ ।