जनरल इन्स्योरेन्सको आइपिओमा दोस्रो दिन पनि लाग्यो ओइरो, यस्तो छ पछिल्लो अपडेट !

लगानी खबर, काठमाडौँ - जनरल इन्स्योरेन्स कम्पनी लिमिटेडले साधारण शेयर (आइपिओ) निष्कासन गरेकाे आज दाेश्राे दिन रहेकाे छ । देश्राे दिन पनि कम्पनीकाे आइपिओ भर्ने लगानीकर्ताकाे ओइरो लागेकाे छ ।

दाेश्राे दिन बेलुका ५ बजेसम्ममा ५ लाख १० हजार १ सय ६ जना आवेदकबाट १ अर्ब ४५ करोड ७८ लाख ७६ हजार रुपैयाँ बराबरको १ करोड ४५ लाख ७८ हजार ७६० कित्ताका लागि आवेदन परेकाे निष्कासन तथा बिक्री प्रबन्धक एनआइबीएल एस क्यापिटलले जानकारी दिएकाे छ । याे माग भन्दा ५.३४ गुणा धेरै आवेदन हो । 

पहिलाे दिन बेलुका ५ बजेसम्ममा ९३ हजार ३ सय ५ जना आवेदकले ३१ लाख १८ हजार ९ सय ८० कित्ताकाे लागि आवेदन  दिएका थिए ।

कम्पनीले प्रतिकित्ता १०० रुपैयाँ अंकित दरमा ३० करोड रुपैयाँ बराबरको ३० लाख कित्ता साधारण शेयर (आइपिओ) निष्कासन तथा बिक्री खुल्ला गरेकाे हाे। जसमध्ये १ लाख २० हजार कित्ता संस्थाका कर्मचारीलाई, १ लाख ५० हजार कित्ता म्युचुअल फण्डहरूलाई र बाँकी २७ लाख ३० हजार कित्ता सर्वसाधारणको लागि निष्कासन गरेकाे हाे।

आईपीओमा लगानीकर्ताले न्यूनतम १० कित्तादेखि अधिकतम १० हजार कित्ताको लागि छिटोमा असाेज १४ गते र ढिलोमा असाेज २५ गतेसम्म आवेदन दिन सक्नेछन् । 

उक्त साधारण शेयर सर्वसाधारणमा सार्वजनिक गर्न निष्कासन तथा बिक्री प्रबन्धकको काम एनआइबीएल एस क्यापिटलले गरेकाे छ ।

लगानीकर्ताले एनआइबीएल एस क्यापिटल, लाजिम्पाट काठमाडौं, नेपाल धितोपत्र बोर्डबाट स्वीकृती प्राप्त गरेका सम्पूर्ण सि-आस्वा सेवामा सहभागी बैंक तथा वित्तीय संस्था र तिनका शाखा कार्यालयहरुबाट आवेदन दिन सक्नेछन् । साथै मेरो शेयर एप र मेरो शेयर सफ्टवेयर मार्फत पनि आवेदन दिन सक्नेछन् ।