मनिलामा आगलागी, ६ बालबालिकासहित ८ जनाको जलेर मृत्यु

लगानी खबर, काठमाडौं - फिलिपिन्सको राजधानी मनिलानजिकै आगलागी भएको छ । आगलागीमा परी ६ बालबालिकासहित ८ जनाको जलेर मृत्यु भएको स्थानीय अधिकारीहरूले बताएका छन् ।

उक्त आगलागीमा  ८० भन्दा बढी घर जलेर नष्ट भएका छन् । आगलागीको कारणभने अहिलेसम्म खुलेको छैन । आगो निभाउन करिब दुई घण्टा लागेको थियो ।

स्थानीय समयअनुसार आगो सोमबार बिहान ५ बजे लागेको थियो ।