लगानी खबर, काठमाडौं - कारोबार हुने हप्ताको तेस्रो दिन आज (मंगलबार) सेयर बजारमा गिरावट आएको छ । अघिल्लो दिन २०.६४ अंकले बढेको बजार आज भने घटेको हो । नेप्से परिसूचकमा गिरावट आए पनि कारोबार रकम भने वृद्धि भएको छ ।
नेपाल स्टक एक्सचेञ्जका अनुसार आज सेयर कारोबार मापक नेप्से परिसूचक १०.७८ अंकले घटेर २९३६.६६ विन्दुमा झरेको छ । नेप्से ०.३७ प्रतिशतले घटेको हो । नेप्से परिसूचक घट्दा सेन्सेटिभ परिसूचक भने बढेको छ । आज सेन्सेटिभ परिसूचक १.१० अंकले बढेर ५४७.४६ विन्दुमा पुगेको छ ।
कूल २२४ वटा कम्पनीको १ करोड ६० लाख ४ हजार ५ सय ३० कित्ता सेयर खरिदबिक्री हुँदा ८ अर्ब ४४ करोड ३४ लाख १९ हजार ५ सय ६१ रुपैयाँको कारोबार भएको नेप्सेले जनाएको छ ।
कारोबार भएका कूल १३ उपसमूहमध्ये आज ९ उपसमूहहरुको सेयर घटेको छ भने ४ उपसमूहहरुको सेयर बढेको छ । आज सबैभन्दा धेरै व्यापार समूहको सेयर घटेकोको छ ।
बजार घट्दा कारोबार रकममा आज अपि पावर कम्पनी लिमिटेड अब्बल देखिएको छ । आज कम्पनीको २८ करोड ११ लाख ३९ हजार १ सय ३१ रूपैयाँको कारोबार भएको छ ।
मंगलबार साम्लीङ पावर कम्पनी लिमिटेडको सेयर मूल्य सबैभन्दा धेरै बढेको छ । आज कम्पनीको सेयर मूल्य ९.४९ प्रतिशतले बढेर ६ सय ४९ रुपैयाँ ३० पैसामा अन्तिम कारोबार भएको छ ।
त्यस्तै, आज मानुषी लघुवित्त वित्तीय संस्था लिमिटेडको सेयर मूल्य सर्वाधिक घटेको छ । आज कम्पनीको सेयर मूल्य ५ प्रतिशतले घटेर १ हजार ५ सय ४० रुपैयाँमा अन्तिम कारोबार भएको छ ।
हेर्नुहोस् आजको तालिका :
प्रकाशित सामग्रीबारे कुनै गुनासो, सूचना तथा सुझाव भए हामीलाई
[email protected] मा पठाउनु होला।
समग्र अर्थतन्त्र र शेयर बजारको नियमित अपडेटका लागि हाम्रो
फेसबुक पेजका साथै ट्वीटर र
युटुबमा हामीलाई फलो गर्न सक्नुहुन्छ ।