६७९ जनामा कोरोना संक्रमण पुष्टि, १४०५ जना संक्रमणमुक्त

लगानी खबर, काठमाडौँ - नेपालमा पछिल्लो २४ घण्टामा थप छ सय ७९ जनामा कोरोना भाइरसको संक्रमण पुष्टि भएको छ । सो अवधिमा एक हजार ४ सय ५ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा देशभर १० हजार ९ सय २० जनाको कोरोना परीक्षण भएकोमा छ सय ७९ जनामा कारोना संक्रमण पुष्टि भएको हो । जसमा ७ हजार ७० जनाको पिसिआर परिक्षण गर्दा ५ सय ७४ जना र तीन हजार ८ सय ५० जनाको एन्टीजेन परिक्षण गर्दा १ सय ५ जनामा संक्रमण पुष्टि भएको हो । 

त्यसैगरी, बितेको २४ घण्टामा ७ जना संक्रमितको मृत्यु भएको छ । हाल १६ हजार ८ सय ४ जना सक्रिय संक्रमित छन् ।