थप १०६६ जनामा कोरोना संक्रमण पुष्टि, ९३८ जना संक्रमणमुक्त

लगानी खबर, काठमाडौँ - नेपालमा पछिल्लो २४ घण्टामा थप एक हजार ६६ जनामा कोरोना भाइरसको संक्रमण पुष्टि भएको छ । सो अवधिमा ९ सय ३८ जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा देशभर १३ हजार ३ सय ६८ जनाको कोरोना परीक्षण भएकोमा एक हजार ६६ जनामा कारोना संक्रमण पुष्टि भएको हो । जसमा १० हजार १ सय १३ जनाको पिसिआर परिक्षण गर्दा ८ सय ९८ जना र ३ हजार २ सय ५५ जनाको एन्टीजेन परिक्षण गर्दा १ सय ६८ जनामा संक्रमण पुष्टि भएको हो । 

त्यसैगरी, बितेको २४ घण्टामा १३ जना संक्रमितको मृत्यु भएको छ । हाल १८ हजार १ सय १५ जना सक्रिय संक्रमित छन् ।