लगानी खबर, काठमाडौं - सांग्रिला डेभलपमेन्ट बैंक लिमिटेडले गत आर्थिक वर्ष २०७७/७८ को चौथों त्रैमाससम्मको वित्तीय विवरण सार्वजनिक गरेको छ । उक्त विवरण अनुसार बैंकको अधिकांश सूचकमा चमक देखिएको छ ।
गत आर्थिक वर्ष २०७७/७८ को चौथों त्रैमाससम्म आइपुग्दा बैंकको खुद मुनाफा ११८.१८ प्रतिशतले बढेर ४१ करोड ६९ लाख ३० हजार रुपैयाँ पुगेको छ । अघिल्लो आर्थिक वर्षमा बैंकको यस्तो नाफा १९ करोड १० लाख ९७ हजार रुपैयाँ रहेको थियो ।
त्यसैगरी, बैंकको खुद ब्याज आम्दानी पनि ४२३.१४ प्रतिशतले बढेर एक अर्ब १९ करोड ७९ लाख ३५ हजार रुपैयाँ पुगेको छ । अघिल्लो आर्थिक वर्षमा बैंकको यस्तो आम्दानी २२ करोड ८९ लाख ९० हजार रुपैयाँमा सिमित थियो ।
बैंकको वितरणयोग्य नाफा पनि अघिल्लो वर्षको तुलनामा २३६.०६ प्रतिशतले बढेर २८ करोड ८३ लाख ९३ हजार रुपैयाँ पुगेको छ ।
समिक्षा अवधिसम्ममा बैंकको सञ्चालन नाफा १०९.२१ प्रतिशतले बढेर ५६ करोड १ लाख रुपैयाँ पुगेको छ । गत आर्थिक वर्षको यसै अवधिमा बैंकको सञ्चालन नाफा २७ अर्ब ७७ लाख रूपैयाँमा सिमित थियो ।
त्यस्तै, बैंकको चुक्ता पूँजी २ अर्ब ७३ करोड ६९ लाख रुपैयाँ पुगेको छ । बैंकको जगेडा कोषमा ९७ करोड ९९ लाख ९४ हजार रुपैयाँ सञ्चित छ । अघिल्लो आर्थिक बर्षको यसै अवधिमा बैंकको जगेडा कोषको आकार ६९ करोड ९३ लाख ९५ हजार रुपैयाँमा सीमित थियो ।
समिक्षा अवधिमा बैंकको प्रतिसेयर आम्दानी १५ रुपैयाँ २३ पैसा रहेको छ अघिल्लो आर्थिक बर्षको तुलनामा प्रतिसेयर आम्दानी ७ रुपैयाँ ९० पैसाले बढेको छ । बैंकको प्रतिसेयर नेटवर्थ १३५ रुपैयाँ ८१ पैसा पुगेको छ बैंकको पीई रेसियो २७.८३ गुणा रहेको छ ।
प्रकाशित सामग्रीबारे कुनै गुनासो, सूचना तथा सुझाव भए हामीलाई
[email protected] मा पठाउनु होला।
समग्र अर्थतन्त्र र शेयर बजारको नियमित अपडेटका लागि हाम्रो
फेसबुक पेजका साथै ट्वीटर र
युटुबमा हामीलाई फलो गर्न सक्नुहुन्छ ।