प्रोबायोटेक इन्डष्ट्रिज पब्लिक कम्पनीमा रुपान्तरण, १८ महिनाभित्र आईपीओ निष्कासन गर्ने

लगानी खबर, काठमाडौं - निम्बस होल्डिङ अन्तर्गत रहेको प्रोबायोटेक इन्डष्ट्रिज पब्लिक कम्पनीमा रुपान्तरण भएको छ । प्राइभेटबाट पब्लिकमा रुपान्तरण भएसँगै यस कम्पनीले साधारण सेयर (आईपीओ) निष्कासन गर्ने भएको छ ।

कम्पनीका प्रबन्ध निर्देशक आनन्द बगारियाका अनुसार सबै प्रक्रिया सहजरूपमा अगाडि बढेमा १८ महिनाभित्र सर्वसाधारण साधारण सेयर (आईपीओ) जारी गरिनेछ ।

उक्त कम्पनीले खाद्यान्न र दाना उद्योग संचालन गर्दै आइरहेको छ। ब्यन्जन र सुनौलो किरण ब्राण्डमा खानेतेल, मैदा, सुजी, चामल मुसुरोको दाल, अचार लगायतका उत्पादन बिक्री गर्दै आइरहेको कम्पनीले शक्ति ब्राण्डमा दाना बिक्री गरिरहेको छ।