सगरमाथा इन्स्योरेन्सको लाभांश सुरक्षित गर्ने आज अन्तिम मौका

लगानी खबर, काठमाडौं - सगरमाथा इन्स्योरेन्स कम्पनी लिमिटेडको ११.५८ प्रतिशत लाभांश सुरक्षित गर्ने आज (असार १६ गते, बुधबार) अन्तिम दिन रहेको छ । कम्पनीले साधारण सभा र लाभांश वितरण प्रयोजनको लागि भोलि (असार १७ गते बिहीवार) देखि बुक क्लोज गर्दैछ । त्यसैले आजसम्म नेप्सेमा कायम सेयरधनीले मात्र लाभांश प्राप्त गर्न सक्नेछन्  ।

कम्पनीले असार ३० गते २४औं वार्षिक साधारण सभा आव्हान गरेको छ । उक्त सभाले कम्पनीले गत आर्थिक वर्ष सञ्चित मुनाफाबाट हाल कायम चुक्तापूँजीको आधारमा ११ प्रतिशत बोनस शेयर र कर प्रयोजनका लागि ०.५८ प्रतिशत नगद लाभांश वितरणको प्रस्ताव पारित गर्नेछ । 

सभाले गत आर्थिक वर्षको वार्षिक प्रतिवेदन सहितका वित्तीय विवरण पारित गर्नुका साथै चालू आर्थिक वर्षको लागि लेखापरीक्षक नियुक्ति र निजको पारिश्रमिक निर्धारण लगायत एजेण्डामाथि पनि छलफल गरी पारित गर्नेछ ।