अरुण काबेलीको त्रैमासिक विवरण सार्वजनिक, प्रति शेयर आम्दानी रु ७.३२

अरुण काबेली हाइड्रोपावर लिमिटेडलर चालु आर्थिक वर्षको त्रैमासिक विवरण सार्वजनिक गरेको छ । चालु आर्थिक वर्षको चौथो त्रैमाससम्ममा हाइड्रोपावरले १० करोड ९७ लाख रुपैयाँ खुद नाफा कमाएको छ ।

गत वर्षको सोहि अवधिमा कम्पनीको खुद नाफा १ लाख ५० हजार थियो । गत वर्षको तुलनामा कम्पनीले १० करोड ९६ लाख रुपैयाँ बढी नाफा कमाएको हो ।कम्पनीले सो अवधिसम्ममा विद्युत बिक्री गरेर ४० करोड ७३ लाख रुपैयाँ आम्दानी गरेको छ भने अन्य स्रोतमार्फत २ लाख २९ लाख रुपैयाँ आम्दानी गरेको छ। अघिल्लो आर्थिक वर्षमा १ करोड ५३ लाख रुपैयाँले घाटामा रहेको जगेडा कोषमा कम्पनीले यस वर्ष ९ करोड ४२ लाख रुपैयाँ सञ्चय गरेको छ।

त्रैमासिक अवधिमा यस कम्पनिको प्रतिशेयर आम्दानी ७ रुपैयाँ ३२ पैसा रहेको छ भने प्रतिशेयर नेटवर्थ १०६ रुपैयाँ २८ पैसा र मूल्य आम्दानी अनुपात १५.८५ गुणा रहेको छ। विश्वव्यापी महामारीको रुपमा फालिएको कोरोनाको प्रतिकुल असरका कारण त्रैमासिक अवधिमा जम्मा १५ दिन मात्र शेयर कारोबार भएको कम्पनीले जनाएको छ । सो अवधिमा कम्पनीको २ लाख २१ हजार ३० शेयर कारोबार भएको छ ।