विवाहको लगन नजिकिँदै जाँदा झन्-झन् बढ्दै सुनको भाउ !

लगानी खबर, काठमाडौं – नेपाली बजारमा केही दिनबाट लगातार बढ्दै गइरहेकाे सुनकाे मूल्यले आज (साेमबार) पनि उकालाे यात्रा तय गरेकाे छ । 

साेमबार सुनकाे मूल्य  ताेलामा ५ सय रूपैयाँले बढेर  प्रतितोला ९८ हजार २ सय रूपैयाँमा काराेबार भइरहेकाे नेपाल सुनचाँदी व्यवसायी महासंघले जनाएको छ । यस्तै, साेमबार तेजावी सुनको मूल्य पनि ताेलाकाे ५ सय रूपैयाँले नै बढेर प्रतिताेला ९७ हजार ७ सय रुपैयाँ पुगेको छ । 

त्यसैगरी, साेमबार चाँदीकाे मूल्य पनि तोलामा १० रुपैयाँले बढेर प्रतिताेला एक हजार २ सय ८५ रूपैयाँ कायम रहेको महासंघले बताएकाे छ ।